Kos: ‘n Lekker Bolognaise sousie.

Sonopkoms oor Helderberge in Somerset Wes

Sonopkoms oor Helderberge in Somerset Wes

Voor ons by die kos kom…vroulief speel soms met haar selfoon in die verkeer en mms dan vir my die kiekies…

Ons eet almal Spaghetti Bolognaise. Die sous wat ons ken as “bolognaise”, is egter nie naby dit wat in Italië geëet word nie. Ek het jare terug die resep gekry by ‘n vriendin wat in Italië gewerk het. Ek het intussen verneem dit staan ook bekend as Ragù . Probeer dit bietjie.

Sauce from Bologna

Jy het nodig.

60 ml botter

1 medium ui, fyngekap

1 stingel seldery, ook fyngekap

1 medium wortel, ook fyngekap

100 g pancetta, fyngesny (bacon kan ook gebruik word, maar probeer maar die Ware Jakob – as jy dit by ‘n delhi vars kan laat sny. Daai pre-packed stront wat so dryf in preserveermiddels, deug glad nie. Vir Stellenbossers, die Paul Roos Spar in Piet Retiefstraat het ‘n geat Delhi!)

1 lourierblaar, vars as jy het, maar gedroog sal werk

500 g goeie maer maalvleis (As ek regtig uithang, gaan koop ek ‘n stuk topside by Birdstraat-slagtery en laat Bert dit vir my maal)

8 ml meel

150 ml goeie droë rooiwyn (Onthou, as wyn te sleg is om te drink, dan is dit te sleg om mee te kook ook! Classic fout wat mense maak)

30 ml gedroogte porcini sampioene, fyngesny en in ‘n bietjie warm water geweek vir omtrent 1 uur (Pick ‘n Pay hou dit aan Die smapioene is belangrik, en gebruik net gedroogte porcini, niks anders werk nie)

Vars gemaalde seesout (Maldon is maar die beste) en vars gemaalde peper

‘n Knypie fyn nutmeg OF fyn naeltjies (Wees versigtig om te veel in te sit. Ek gebruik naeltjies want my vrou weier dat daar neut in ons huis is.Te veel koshuisgroente met neut oor, dink ek …)

150 ml beef stock

150 ml melk

50 ml vars room

Jy maak so:

1) Smelt die botter in ‘n groot pot oor lae hitte en sauté die uie, seldery, wortel, pancetta en lourierblaar vir 8 tot 10 minute. LW, Sauté beteken STADIG totdat die ui deursigtig is, maar nooit bruin gebraai nie.

2) Gooi die maalvleis by en sit die plaat op medium/warm. Braai die maalvleis tot bruin. Sprinkel nou die meel oor en roer vinnig deur, so ‘n half minuut; gooi dan die wyn by; roer oor hoë hitte tot meeste van die vog verdamp het.

3) Gooi die porcini plus die vloeistof waarin dit geweek het, by.  Gooi die neut of naeltjies by en die helfte van die beef stock. Proe nou vir sout en peper en pas aan volgens smaak. Waak egter teen te veel sout, onthou die stock is ook sout en sal souter raak namate dit indamp. Simmer nou oor lae hitte met die deksel op – so vir 30 minute. Roer af en toe en gooi die oorblywende stock by indien nodig soos jy aangaan.

4) Na omtrent een uur kom die melk by. Doen weer die seasoning ding (Proe vir sout en peper en voeg by volgens smaak). Roer oor lae hitte vir ‘n verdere paar minute. Net voor jy opdien, gooi die room  by en kook ‘n verdere minuut of twee. Die sous moet lekker dik wees. (Die wat wil kan net voor die room ‘n fyngekapte hoenderlewer bygooi en ‘n paar minute kook tot hy gaar is. Ek is mal daaroor maar puriste het my egter oortuig om liefs die lewer uit te laat. En my vroulief sit ook nie haar mond aan lewer nie…)

Nota: Die sous bevat geen tamatie of knoffel nie, maar ek gooi ‘n lepel of twee tamatiepasta by gedurende stap drie. Net vir kleur en ekstra smaak.

Bedien met tagliatelle goeie wyn en goeie geselskap en geniet!

Advertisements

About In vino veritas

Some uncomfortable and sometimes misguided truths..
This entry was posted in Resepte en kos goed. and tagged , , . Bookmark the permalink.

5 Responses to Kos: ‘n Lekker Bolognaise sousie.

  1. Sonia sê:

    More more!

    Ek lees nou net deur die resep en sit en wonder, waaaa’s daai hoenderlewertjie nou?

    Weet jy, nadat jy hierdie resep die eerste keer geplaas het, het ek toe mos loop navorsing doen, en daar IS ragu met hoenderlewer by, so jy was heeltemal reg, want elke kok in Emilia-Romagna het hul eie weergawe. Daar is letterlik soveel weergawes van die sous as wat daar kokke is – so moet jou nie van stryk laat bring nie, sê bloot:
    Dis hoe ek MYNE maak, en basta!

    Ek verkies egter om my ragu met witwyn te maak, en slegs melk, nie room ook nie. So, sien jy – ons woon ‘n paar kilometer uit mekaar en ons resepte verskil!
    Lekker dag, Neil.

  2. Môresê! Weet jy ek het nogal baie gewonder oor die witwyn en of dit nie dalk beter sal werk nie. Omdat my vrou nie lewer eet nie laat ek dit uit my resep, en funny enough ook die room. mens pas mos maar aan soos jy lekkerkry nie waar nie. So wil ek bv nog ‘n volle Coq au Vin maak met alles soos die tradisionele resep, amaar met vit ipv rooiwyn. Rooiwyn oordonder soms resepte, veral die swaar wyne wat ons in SA gewoond is.

  3. mevrou sê:

    hou meer van die tradisionele nommertjie ;o)

  4. murphmuurprop sê:

    Klink alweer heerlik! Snaaks dat ons altyd na knoffel en tamaties gryp as ons aan hierdie tiep van resepte dink… Jammer hier is nie wyn in Saudi nie; Maar ons maak mos onse eie – maar die jirre hoor my! Heel dikwels sal ek dit nie eers vir my vyand voer nie, want nog van by goeie kos gooi. As jy (veral die wit wyn wat ons maak) nie met BAIE ys en bietjie 7-up Zero dokter nie, kry ek dit om dood nie in my lyf nie!

    Ek gaan ‘n goeie wyntjie omsingel as ons in SA kom kuier…

    Sterkte daar! Praat weer later.

    Laat weet as jy die resep vir ons wyn wil hê! LOL

    Cheers,
    Murph

  5. murphmuurprop sê:

    Wat ek nog wou sê: Sal die reseppie uit-print en sal hom per geleentheid in SA aanmekaar gaan slaan…

    Tot later!

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google+ photo

Jy lewer kommentaar met jou rekening by Google+. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

w

Connecting to %s