Kos: Heel lamsboud stadig in die oond gemaak Kashmiri styl.

Ek kom die vakansie op hierdie resep vir Kashmiri Lamsboud af. Ek ken dit as Rogan Josh maar semantics is ‘n bysaak as dit by eet kom dink ek. Dis die eerste keer dat ek die resep sien waar ‘n heel boud gebruik word. Glo my, die resep is belaglik maklik om te maak en ongefokkenlooflik lekker. En so heerlik morsig om te eet ook nog. Fantasties!

Hiers wat jy soek

‘n nice lamsboud (so 1.8 tot 2.3 kg) wat in ‘n giant (grootste wat daar is) “Jiffy Ovan bag” sal pas.

1   1/2 medium size ui gekap

3 knoffelhuisies ook gekap

2 teelepels gerasperde vars gemmer

4 rooi chillies (vars as jy het, so nie droë 3 birdseye chilies, haal die saadjies uit as jy bang is)

2 casia stokkies opgebreek (casia is vir my lekkerder as kaneel, maar ek neem aan kaneel sal deug)

2 teelepels komyn saad

2 teelepels vinkel saad

2 teelepels heel koljander

¼ teelepel heel peperkorrels

6 kardemompeule

2 ½ teelepels garam masala

100 ml gemaalde amandel

1 ½ koppie natuurlike yoghurt (ongegeur)

Sout na smaak

60 ml olie

1 moerse groot Jiffy Oven bag.

Die storie vat ‘n hele halwe dag ( 12 ure vir die gemiddelde mens) om gaar te word, so berei solank die aand voor die tyd as jy nie vroeg wil opstaan nie, moet net NIE die boud oornag in die sous marineer nie. Die yoghurt sal hom melerig maak en dis nie lekker nie nes pap snoek aaklig is.

Jy maak so.

Die geheim van speserye is dat jy dit vooraf ‘n bietjie oor hitte met mekaar laat gesels. (Ek sien gister op Pasella daai fancy anti in Montagu wat so brag oor haar Bobotie gooi ‘n kerrie paste na die tyd by die vleis…dis ‘n big no no in my boek.) So die eerste ding wat jy doen is om jou vinkel, komyn, koljander kardemom, peper en cassia sommer in ‘n droë non stick pannetjie oor lae hitte in die pan rond te rol tot jy dit ruik. Wees versigtig om die goed te brand nie want dan is jou hele resep moer toe. Haal dit af na so ‘n minuut of wat en hou eenkant.

Braai nou die vars chilies ook vinnig in ‘n bietjie olie tot net sag. As jy nie vars het nie doen die droë chilies saam met speserye in stap een.

Verhit nou solank jou oond tot 100 grade Celsius ( so 212 F)

Neem nou al die droë speserye van stap 1 saam met die chili en maak dit fyn in ‘n vysel. Ek gebruik sommer die smoothiemasjien hiervoor. Jy mag jou voedselverwerker natuurlik gebruik. Ek het net nie een nie. (Enige borge vir ‘n Kenwood 560 GL Premier???)

As die speserye mooi fyn is gooi yoghurt, olie, amandels, knoffel en uie by en bewerk die storie tot dit ‘n mooi gladde paste maak. Jy kan nog bietjie yoghurt bysit as dit te droog lyk. Net nie meer olie nie.

Besout volgende die boud na smaak en sit hom binne die Jiffy baksakkie. Gooi die yoghurt speserymengels binne die sak bo oor die boud en werk dit lekker met die hande orals in sy gate en hoeke.

Knoop die sakkie styf toe. LW styf.

Sit nou die sakkie met boud en al in ‘n oondbak of ‘n ding en druk hom net so in die oond teen 100 grade.

Los hom daar teen 100 grade vir 12 uur.

Na 12 uur haal jy hom uit, laat bietjie staan om te rus. Haal  vleis uit die sakkie, die vleis is veronderstel om in sulke doeksagte repe van die been af te val. Die boud vra om met die hand geëet te word so dien op met baie servette aan nie-anale (daai fussy tipe wat oor alles bicth en moan) gaste met pompadums of rotti.

Net ‘n gedagte, alhoewel die resep nie daarna vra nie dink ek nogal mens kan droë vrugte ook hier by insit…just a thought!

Bykos

Ek maak maar altyd so ‘n basiese sambal bestaande uit gekapte tamatie, ui, mint en dhania saam met my kerries. Vat so 3 mooi groot ryp tamaties, ‘n halwe uit en kap grof. Meng als en gooi sout en peper by met ‘n skeut suurlemoen of lemmetjie sap. Kap die mint en dhania na smaak , so ‘n halwe handvol van elke behoort genoeg te wees.(dhania is ook bekend as koljanderblare of cilantro, is een en dieselle ding)

Jy kan ook hiermee saam so 500 ml bulgaarse yoghurt neem en geur met baie vars gekapte mint en dit saam met die sambal opdien. As jy jou kerrie reg maak is daar altyd ‘n vraag na ‘n lafenissie.

My vrind Big Joe meen  ‘n crisp chilled Pinot Noir sal nie deug nie, maar hy stem wekl saam met my dat ‘n chilled unwooded Yonder Hill Chardonnay great sal saamgaan met die ete. Mind you enige unwooded Chardonnay werk goed.

Nou ja geniet dit en krediet aan die oorspronklike maker van Kashmiri Lamsboud.

Advertisements

About In vino veritas

Some uncomfortable and sometimes misguided truths..
This entry was posted in Resepte en kos goed. and tagged . Bookmark the permalink.

6 Responses to Kos: Heel lamsboud stadig in die oond gemaak Kashmiri styl.

  1. Emil sê:

    Watter wyn? Dit klink voortreflik.

  2. Neil sê:

    Probeer Vriesenhof se Paradyskloof of enige unwooded Chardonnay.

  3. cebella sê:

    Wat van Yonder Hill se Inanda? of pas Rooiwyn nie so lêkke nie?

  4. Neil sê:

    persoonlik het ek nie ‘n probleem met rooiwyn en kerrie saam nie maar die fundi’s frons bietjie daaroor.

  5. Emil sê:

    Gemaak, Geëet, Getiep! Heerlik. Het JP Daneel se Chenin gedrink.

  6. Neil sê:

    ag maar ek is bly ek kon bydra tot jou plesier! So ‘n boudjie is darem maar heerlik as jy hom so met die lepel kan skep.

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google+ photo

Jy lewer kommentaar met jou rekening by Google+. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

w

Connecting to %s